صباحك تفاؤل..........
الثلاثاء، 26 نوفمبر 2013
أنا صحيت النهاردة و قررت أتفائل.
آه و الله أنت مستغرب لية؟ عشان
أنا يعنى على طول بتكلم عن الحزن و التشاؤم؟
طب ما أنا بصراحة عندى حق . طب أثبتلك عملياً ؟
قوم كدا أفتح الجرنان .
خد بقي عندك يا سيدى :
" أنفجار عبوة ناسفة و مقتل ما يزيد عن مائتى شخص و أصابة الآلاف
"
"العثور على جثة مواطن لقى مصرعة فى أحداث ال......."
"قطار يدهس شخصين ب......."
" مصرع و أصابة 12 شخص فى حادث سيارة بطريق ال......"
إية كفاية كدا و لا أية ؟
لا أستنى شوف كمان , شوف المرضى اللى مش لاقيين ثمن العلاج و بيناشدوا
أصحاب القلوب الرحيمة يتبرعوا و يخففوا معاناتهم.
و لا العاطلين اللى بيعولوا أسر كاملة و مش لاقيين عمل شريف و بيناشدوا
وزير القوى العاملة يوفرلهم أى وظيفة , و أنا واثقة أنة كمان يومين تلاتة كدا و
هتلاقى الاشخاص دول فى الجرنان تانى بس بقي فى صفحة الحوادث تحت عنوان :
"ألقاء القبض على عاطل قام بسرقة سيارة أو محل تجارى"
"أو ممكن كمان
" ألقاء القبض على عاطل قم بالأعتداء على أحد الأشخاص بغرض
السرقه"
و لاكمان أصحاب المعاشات اللى معاشاتهم لا تتعدى بضع جنيهات
لا بص كمان على القرى اللى بتناشد وزير الكهربا أنة ينتشلهم من طوفان
الظلام
و لا القرى اللى بتناشد وزير الصحة أنة يوفرلهم نقطة مياه نظيفة
أنا بقول كفاية عليك كدا. أقفل بقي الجرنان و تفائل
و صباحك تفاؤل.......
الاشتراك في:
تعليقات الرسالة (Atom)
ليست هناك تعليقات:
إرسال تعليق